بسم الله الرحمن الرحيم
تدري وش اللي يحزن القلب
ــــــــــــــــ
تدري وش اللي يحزن القلـب تـدري // لا من خدعـك اللـي تحبه وتغلـيه
وتدري وش اللي يذبح الورد بدري // لا من زرعته بـ أرض ماهي بـ أراضيه
وتدري وش اللي طاح من فوق صدري // وحاولت عنك أصد وأزريت أخفيه
ياشينها في مثل سني وعمري // عيت عليه أهداب عيني تغطيه
وتدري وش اللي كل ما ضقت يطري // علي.. غلاك اللي من الدم أغذيه
وتدري وش اللي فج الاضلاع جبري // رمح الفراق اللي على القلب ترميه
وتدري وش اللي كل ما مل صبري // منك.. أحاول اقتل الحب وأحييه
تحييه لا من مات طيات شعري // وأحييه في قلبي على شان ما ابكيه
وتدري وش أصعب من فراقك وغدري // إنك هدمت اللي من اعماقي أبنيه
بنيـت بـ آمـاالـي معـك بـرج مغــري // أرضـيتـه مـرجـاان والـعـااج عاليـه
وأثـر الآماني مــا بنـت بيت فقــري // إلـى متى والقـلب غـاافـل وصحيـه
وتدري وش اللي جاب كفي لـ جمري // لاني فقدت اللي بـ شوقه يطفيه
وتدري وش اللي فـ الشرايين يجري // ماهو بـ دمي.. إسمك وكل ما فيه
حفظت ميــلادك بـ تاريـخ هجـري // مـن شهـر ذو الحجـه بـ تالـي ليـاليـه
أعاتبــك وحـالـة القـلـب تــزري // والعـيـن مــن شـدة فـراقـك تـواسيــه
آلام قلبـي بيـن الأضـلاع تسـري // وتضـيق مــن شـدة آلامــه محـانيـه
أشوفك بعيني وعينك لــ قبـري // وأثرك على دفنـي مـن العـام نـاويـه
أبيك تدري ويش يعنيك هجري // مثل الشجر لا جـف فـ الآرض ساقيـه
أقـرب عـليك تحـب كوعـك لـ كسـري // وأقـرب على جرحـك إنـي أداويـه
وإسمـع قبـل لا يجـف قلبـك وحـبري // يمـوت مـن قفـى ولا إنـي أناديـه
بدري عليك تسل سيفك لـ غدري // وبدري علـى فرقـاك راسـي يوطيـه
تدري وش اللي يحـزن القلـب تـدري // قلـب يـذوق المـر مـن كـف غالـيه..
من ما راق لي
.
.
.
موضوع: تدري وش اللي يحزن القلب 
الجمعة 04 مايو 2012, 4:37 am
