افتراضي لو ندري العشك يلعب لعب بالروح جا ماحبينه شخصك ولا نهوى

لوتدري البعد شيسوي وسط الروح
لو تدري الفراك بحالتي شسوه

مثل طفله يتيمه ومن اجاهه العيد
ظلت عينهه على الباب تتلوه

جروح البيهه زادت شككت بالثوب
بس الله اليداوي واهل المروه

لو تدري البعد خلف جروح زغار
كبرن بالبعد واتزوجن قسوه

حفل بعدك ضخم وتوزعن دعوات
عازم شكو شامت..يسوى ما يسوى!!

امنتك عليه وخنت ودي شبيك؟؟
صافن بس عليك وماي من جوه

انطيتك عمر بهمومه والافراح
والاشعار كلهه ترخصت..فدوه

ياتربة غدر ودموع عيني الماي
تشربهم بساع وابد ما تروه

لو ندري العشك يلعب لعب بالروح
ما حبينه شخصك لا ولا نهوى

من يا صخر كلبك انته اي مخلوق؟؟
وبداخلك كلي شيضم وشيحوى؟؟

ما اكلك اناني لا ولاغدار
اكلك انته انته وقدر شتسوه

ما اخاطب ضميرك ادري بيه مدفون
واليخاطب الميت ينتظر صحوه؟؟!

ما ابجي على حالي اني ابجي عليك
اخاف عليك منك لاحتك عدوى

حبيتك نعم اعترف اني بهاي
مااكدر اكرهك هيه مو كوه

بس حبيت اسلم واسال على الحال
عساك بخير وتنال الذي تهوى ...

اذا گلبك يحـــــــــــبني انطيني اثبات
وابصمــــــــــــلك احبك اني بالعشره
بگد بغداد احبــــــــــك وبغلاة الروح
وأنا لأجلك احب واعــــشگ البصره
يلعينــــــك جزيره أتيـــــيه الخيـــــال
ومعـــــــــــلوم اليشوفك ينشغل فكره
وحگ رقة احساسك يارقيق أحساس
أفرح من أشوفك فرحــــــــة الكبرة
وأحزن لو غبت عني بحزن وهموم
وحگ شهر الصيام وحرمته وأجره
وحگ حبك حبيبي وقـــسم بالرحمن
الگلب عگبك عليل ومنتهي أمـــره
ياأحلى ورد ياتــــــــرف چنك ياس
وأخذ لونه الورد منك وأخذ عطره
من شــــــعرك يصيح الليل آه ياليل
ويخجل من عيونك ياحـــــلو فجره
الشمس منك تغار وتستحي وتغيب
لأن انت بجمـــــالك ياحلو بهره
ولازم تستحي وطبعا أكيد تغيب
لأن ويه الشمس ماترهم الگمره