افتراضي تعبت ادورك

تعبت أدورك في قلبـي وفـي صـدري

سنتين ولاكن فـي قلبـك لهـم طـاري

يا قلبي اللـي ولا هـو قابـلٍ عـذري

يا سنيني اللي ولا هي قابلـه أعـذاري

لاجيت أبحسب سنين العمر يـا عمـري

ثلثين عمـري طواهـن درب مشـواري

لا قلت الأيام راحت قـال لـي بـدري

وإن قلت الأيام تركض قـال أنـا داري

أنا أدري إنك وأعرفك مو على خبـري

وأنا أدري إنك ولا تحرص على أخباري

شلي خذيته من سكوتي ومـن صبـري

في بعض الأحيان صبري هو سبب ناري

ما يسمع الصوت منهو ما درى بأمـري

ولو أرفع الصوت وأهيجن آخر أشعاري

اللي خذاني وأخذ روحي وهـو يـدري

مع مر الأيام تغّيـر وأنكـر أسـراري

ماكنه اللي يحط راسـه علـى صـدري

وماكنه اللي بكـا مـن شـان مسيـاري

ماكني اللي كتبته فـي وسـط شعـري

ولا كني اللي أغني لـه حـزن سـاري

ما ينكسـر قلـب إلا ويسكنـه جبـري

أنا تنازلت عن جرحـي وعـن ثـاري