عليج الروح راحت من يردها
او وكيحه همومى صارت من يردها
خطيه الروح ملت من يردها
لان بس الصبر لبس العليه
سنه فاتت على فراكك ونصها
نظرتك على قللها ونصها
نصيحه اليوم اسولفلك ونصها
ابعد لاتهيج الالم بيه
اتم احسب نجوم اليل بسماى
الى ناظر يهل الدمع بسماى
الج باسمك ليماتلج بسماى
اون اعليك ليما تون عليه
من عشكى وغرامى منجا مالج
يلى الحور احسهن من جمالج
يحلوه الكون ذايب من جمالج
يخلطه من السحر والجاذبيه
سلطان اعله روحى من يعلك
ويالعاذل بهمى من يعلك
لاتامن بدهرك من يعلك
ترا بنفخه يردك للوطيه
غيرج ما حله بعينى ولاطاب
ولا دونج دخل كلبى ولا طاب
يجرحى وياج ماهود ولا طاب
دم ينزف ولا تدرين بيه
اتمنى ان تنال رضاكم
موضوع: اهداء ابيات من الشعر ياربى تنال رضاكم 
الأربعاء 30 مارس 2011, 2:15 pm
