ابيات من الابوذيه متنوعه
ياربى تنال رضاكم
صمله بكل دقيقه اعليك سميت
بعدوك انه سم موبيك سميت
اذا اسمى بهويتك يوم سميت
علم شلتك ترفرف بين اديه
لهبت نار البكلبى ومنا جيتك
ابد ماقصدى اذمك منهجيتك
هجيتك شوك حتى ترد عليه
اود افهم قصورى وين شجره
ودفنتك بالكلب سباح شجره
غشيم وعفت طيرى فوك شجره
بغابه وضاعت الشجره عليه
جارى الاتصال وياك جارى
يمن حبك نهر بالروح جارى
وين الله وتصير بيوم جارى
احنى الباب والحايط سويه
الجرح جرحك يكلبى ماشفيته
الحلو الموزون مشيه ماشى فيته
شمالك من تعده ماشفيته
جا حاجيته بلكى يرد عليه
كضنى سيوفه وعيونه تراهن
كصن بيه وعلى جروحى تراهن
اكله انساك ويكلى تراهن
انته تموت بس تبعد عليه
حلو طبعك حلو ومحبوب بس بس
تصدك شما باذانك بشر بس بس
بسك من حجى الينكال بس بس
حجى الناس شوراه غير الاذيه
موضوع: افتراضي ابوذيه منوعه 
الأربعاء 30 مارس 2011, 2:50 pm
