جددديد ومضــات شعريــة

لا تسألني عنـك انت بيه تعيـش
تعال لمدن روحـي وعنـك اسألها
جانت قلعة روحي ومايطبها الجيش
لكن جيش حبك دخل واحتلـها
0000000000000


من درت عينــــــك شفت والله عيـــون
ومن درت الوجه شفت الشمس طلعت
ودرت الشعر رســـا اجــــــانه الليــــل
لان خافت شمسنـــا وبــالعجل شلعـت...
000000000000

احبك كلمه بس بلساني ماتنكال
اتهجــــاهه كوه ويمك انساهــه
ومن اشوفك انسه روحي وانسه كل الكون
يعني الكلمه هاي شلون اقراهــه
احسن شي حبيبي هاك اخذ سجين
وافتح صدري وبنص كلبي تلكاهه...
000000000000
مو طبع الجبل ينجر بل اجبال@
ولا طبع الاسد يحتاج حارس@
ومو كلمن ركب عل خيل خيال@
ولاكلمن يشيل السيف فارس@
ومو كلمن لبس عگال رجال@
الزلم جوهر تره مو بل ملابس@
اذا تحسب زلم وتميز ابطال@
البطل بس انته تبقى بلا منافس
000000000لأن مشتاگلك سموني مجنون
والمجنون اعقل مني شفته
ابوسن بالهوه المن بيتكم جاي
ولوينحضن صدك چاحضنته
000000
گبل ما نام الرمش يسأل عليك
وعيوني تسأل شو بعد متريدهن؟
ومن گعدت الصبح ماظليت اشوف
عيوني يمك بالحلم خليتهن
0000000000
رغم عمري الگظيته جروح بجروح
أضحك من تمر شمات بيه
صرت مثل الشمع عالگاع مطروح
وحچي الوادم شمس يطلع عليه
الجسد شيفيد لوتطلع الروح
روحي أنت ورحت من بين أديه
0000000
كلب ثاني جبت حته اكدر انساك...وصارت كارثه وهم حبك الثاني....... وعليك تعاركن هاذى كتل ذاك...وزعل كلبي عله كلبي وموتاني
000000000000
بالتاريخ اعودن للكهوف وياك
واسكن كهف حبك واكتشف نارك
ماكو حصان ابيض عندي ديناصور
اجي راكب عليه وادخل اسوارك
اخطفك من قلعتك وامشي بيك بعيد
واصير ابن الملوح وانظم اشعارك
00000000000
تعال وخل أذَكرك ماضي الك وياي ..
غفت چم مره روحي ابين ذرعانك ..؟

وتعال وخل أَذَكرك .. يمكن انت انسيت ..
شم عطر الوفه تلكاه ابقمصانك

وتعال وخل أَشَوفك بالگلب نيشان ..
من توصل لگلبي اتشوف نيشانك
0000000
لاتزعل علينة كلوبنة تذوب
ماتدري الزعل شيسوي بينة
مثل ماتنذبح شمعة بسهم ريح
عصرنة الليل بعدك وانطفينة
كلنالك نحبك تزعل شبيك
...عسة لاكلنا عمي ولا حجينة
مدينتنة ظلام وعينك هلال دفك شباك عينك عالمدينة ..
00000000000000000
لو ناسيك احسن يمكن ارتاح بس صدكني اموت شما يمر ذكرك..لان وي روحي احسك انت عايش دوم واذا ماردت ابالغ روحي اعتبرك ..كتلك اخذ كلبي وروح وين تريد لتخليه يمي ويبقه ينتظرك ..عاندت ومشيت وهم كلت معذور لان كلب اليحبك لازم يعذرك
00000000000000000
وي كلبي من اسولف تسمع انت شلون
جنت وين انت كـــاعد والحجي اسمعته
حيرني الامر بس طلـــع بيه الصـــوج
اسولـف للكلب والكلب ثـــاري انته!!!