ده نوع اسمو الجوبي وهو بيولد مش بيبيض بيجيب سمك صغنون وحلو اوي للمبتدئين ورخيص كمان
ده نوع اسمو المولي بردو بيولد زي الجوبي وحلو اوي بردو
ده اسمو بلاتي زيهم بردو هما من فصائل قريبة من بعض
ده نوع اسمو السيامي المقاتل الفايتر شكلو بيبقى حلو اوي والي في الصورة ده راجل لان الست بتاعتو بيبقى ملهاش زعانف كده بس عنيف جدا ولو اتحط اتنين رجالة سوا لازم واحد يموت التاني
وكمان لما بتحطيه في حوض مع اي نوع تاني بيتخانق معاهم هو سمك بيحب العزلة فبلاش الا لو هاتجيبي سمكة واحدة بس تحطيها في بولة وهو سمكة رئوية يعني يقدر يتنفس من غير متجيبيلو ماتور اكسجين بتغيريلو الماية كل يومين كده
ده اسمو جورامي بردو رئوي بس ده نوع لزيز خالص عن تجربة انا بحبو اوي بيحب يلعب مع كل السمك حتى لو اكبر منو مش بيخاف فضولي وفي منو كزا
شكل وهو مسالم لحد كبير ودي اشكال منو تانية
هذا نوع التايجر
ده نوع اسمو الفانتيل ده بجد سمك تحفة هو حجمه اكبر من الي فاتو شوية بس عسول جدا ومسالم جدا وبيتاقلم مع اي سمك ملوش دعوة بحد يعني انا عندي منهم وبحبهم اوي كمان بيتافعلو معاكي كده وفي منو اشكال والوان كتيرة اوي
ده اسمو الانجل ده سمك رقيق اوي وجميل بس محتاج رعاية اوي والماية لازم تبقى نضيفة وكل الانواع الي مش رئوية لو هاتحطيها في حوض لازم تجيبي ماتور اكسجين
بالنسبة للاكل في انواع اكل كتير
الكور الملونة حلو مناسب لكل السمك بس مش مغذي اوي
الرقائق عاملة زي الورق الملون كده احلى من الكور شوية مغذي اكتر
في اكل ابيض بيبقى على هيئة اشكل صدفة سلحفة كده وده بتاع السفر بتجيبيه وتحطيه في الحوض لو انتي مسافرة كام يوم بس مش مغذي اوي متستسهليش وتجيبيه الا عند السفر
الدود وبيبقى دود صغير جدا حي وده من اكتر الاغذية فائدة وهاتلاحظي حيوية ونشاط السمك بعد اكلو بتجيبي حاجة اسمها دوادة بتتحط في الحوض زي القمع المقلوب مخرمة بتخرج الدود من الفتحات والدود بتجيبيه من الراجل بردو
في دود مجمد وده حلو اوي بردو بيبقى في علب على شكل مكعبات بتخدي مكعب وتحطيه بايدك في الماية وتفركيه لحد مايتفكك
كمان ممكن تاكليهم مرة في الاسبوع صفار بيض مسلوق بيحبوه اوي اوي
مية الحوض بتغيريها كلها كل فترة كبيرة على حسب ماتحبي شهر شهرين كده يعني وبتحطي السمك ساعتها في اي بولة او حتى طبق الغسيل بالمية القديمة وتحطي المية الجديدة في الحوض ومعاها مضاد الكلور وبردو تحطي البولة شوية في الحوض تعادل درجة الحرارة بعدين تنزليهم
في حاجة حلوة اوي بقى الراجل بيبيع قواقع صاحية جميلة اوي هاتيلك شوية كده وحطيهم هايحسسوكي بالحياة البحرية فعلا وهما بيكالو اكل السمك بردو وبينضفو المية ورخاص ومش بيعملو حاجة للسمك ولا السمك بيعملهم حاجة
متاكليش السمك كتير لانو بيموت من كتر الاكل يعني اكلية مرتين او ثلاثة بس كمية صغيرة اوي يخلصها في 3 دقايق او 5 بالكتير